Հնդկաստանում հարսնացուն չեղարկել է շքեղ հարսանիքը, երբ փեսացուն վախեցել է ամպրոպից
Հնդկաստանի բնակչուհին հարսանյաց արարողության ժամանակ հրաժարվել է ամուսնանալ փեսացուի հետ, երբ վերջինս վախեցել է ամպրոպից:
Ինչպես հաղորդում է Lenta.ru-ն, միջադեպը տեղի է ունեցել երկրի արևելյան Բիհար նահանգում: Հարսնացուն կտրականապես հրաժարվել է ամուսնանալ, երբ իր ընտրյալն «իրեն տարօրինակ է պահել» ամուսնական երդումներն արտասանելու ժամանակ՝ տեսնելով, թե ինչպես է կայծակը հարվածում մոտակա դաշտին:
Փեսացուի բարեկամներն սկսել են աղմկելով բողոքել, քանի որ քահանան արդեն իրականացրել էր որոշ հարսանեկան ծիսակարգեր: Սակայն փեսացուի հարազատներին դեմ են դուրս եկել հարսնացուի հարազատները:
Ամեն ինչ ավարտվել է դաժան զանգվածային ծեծկռտուքով: Հաղորդվում է, որ միջադեպի հետևանքով ձերբակալվել են հարսնացուի բարեկամներից երեքը: