World News in Tatar

Ижевск шәһәренең Халыклар Дуслыгы йортында 6нчы тапкыр Республикакүләм «Татар кызчыгы, татар малае – 2025» бәйгесе узды. Бәйгедә 8 бала — 4 малай, 4 кыз көч сынашты. Бу хакта Бөтендөнья татар конгрессы матбугат хезмәте хәбәр итә.

Төмәннең «Яңарыш» газетасында Рәүфә Кангазинаның «Итагатьле йөрәк изгелеккә ашкына» дигән язмасы чыккан. Ул анда хәрби хәрәкәтләр зонасына җибәрү өчен гуманитар йөк әзерләүче волонтерлар турында язган.

Татарстан Дәүләт Советы Рәисе, Россия Закон чыгаручылар советы президиумы әгъзасы, халыкара хезмәттәшлек комиссиясе җитәкчесе Фәрит Мөхәммәтшин бүген Санкт-Петербургның Таврия сараенда узган Закон чыгаручылар советы утырышында катнашты. Чара традицион рәвештә 27 апрельдә билгеләп үтелә торган Россия парламентаризмы көненә багышланды. Утырыш кысаларында парламентарийлар Россия Президенты Владимир Путин белән очрашты. Бу хакта ТР Дәүләт Советы матбугат хезмәте хәбәр итә.

24 апрельдә Чистайда «Чистай җире геройлары истәлегенә» фәнни-тикшеренү эшләре конкурсының финалы булды. Биредә Бөек Ватан сугышында Җиңүнең 80 еллыгына багышланган бәйгегә йомгак ясалды. Бу хакта Чистай музей-тыюлыгы сайтында хәбәр итәләр.

Казанның Бауман урамында Бөек Ватан сугышында Җиңүнең 80 еллыгына багышланган «Геройлар дивары» мемориаль инсталляциясе урнаштырылачак. Проектны Россия хәрби-тарихи җәмгыятенең Татарстандагы төбәк бүлеге оештыра.

26 мартта Сочида Татар теле көненә һәм Габдулла Тукайның 139 еллыгына багышланган масштаблы этно-фестиваль узган. Чараны «Рәхәт» татар җәмгыяте оештырган.

Чүпрәле районы үзәге – Иске Чүпрәле авылында Бөек Ватан сугышында Җиңүнең 80 еллыгы уңаеннан 80 имән утырттылар.

Президент Владимир Путин хакимият органнарында вазифалар башкаручы махсус хәрби операция ветераннары саны артачак, аерым алганда «Геройлар вакыты» программасы ярдәмендә, дигән ышаныч белдерде.

Хәзерге вакытта эксперименталь тәртиптә Россиянең дүрт төбәгендә (шул исәптән Татарстанда) кертелә торган Ислам банкингын илнең финанс системасына тулысынча интеграцияләү өчен вакыт таләп ителә. Бу хакта Россия мөселманнары Дини җыены башлыгы һәм РФ Иҗтимагый палатасы әгъзасы Әлбир Крганов РБК Татарстан белән интервьюда белдерде.

Россиянең Әфганстандагы эшлекле үзәге башлыгы Рөстәм Хәбибуллин Кабул шәһәрендә Әфганстан Ислам Әмирлеге спорт министры һәм Олимпия комитеты башлыгы Әхмәдулла Васик белән очрашкан.