ავღანეთში საჰაერო თავდასხმისას მოკლეს თალიბანის მაღალი რანგის მეთაური
პროვინციის გუბერნატორის განცხადებით, ხუთი ექსტრემისტი, მათ შორის აბდულმანანი დაიღუპა 1 დეკემბერს ნაუზადის რაიონში მოწყობილი ავიადარტყმის შედეგად. მოლა აბდულმანანი იყო თალიბანის მეთაური ჰელმანდის პროვინციაში. მისი მოკვლა დაადასტურეს თალიბების პრესმდივანმა და ამერიკელმა სამხედროებმა.
ჰელმანდში თალიბანის პოზიცია გაძლიერებულია 2014 წელს ქვეყნიდან ნატოს საბრძოლო შენაერთების უდიდესი ნაწილის გასვლის შემდეგ. ამ პროვინციაზე მოდის ავღანეთში ოპიუმის წარმოების მნიშვნელოვანი ნაწილი.