ჰაიკო მაასი აცხადებს, რომ დაპატიმრებული უკრაინელი მეზღვაურები უნდა გათავისუფლდნენ
ორი ქვეყნის საგარეო საქმეთა მინისტრები შეეხენ ასევე გამალებული შეიარაღების განახლების საფრთხეს მას შემდეგ, რაც აშშ-ის პრეზიდენტმა დონალდ ტრამპმა განაცხადა, რომ განზრახული აქვს გამოვიდეს 1987 წელს გაფორმებული ხელშეკრულებიდან საშუალო რადიუსის ბირთვული შეიარაღების შესახებ (INF).
მოსკოვში მყოფმა გერმანიის საგარეო საქმეთა მინისტრმა მოუწოდა რუსეთს, ხელი შეუწყოს ამ ხელშეკრულების შენარჩუნებას, რისთვისაც მოსკოვს მოუწევს გაანადგუროს იმ კატეგორიის რაკეტები, რომლებიც, არღვევენ (INF)-ს და ვაშინგტონს აიძულებს გავიდეს ხელშეკრულებიდან.
ლაპარაკია მიწისზედა ბაზირების საშუალო სიშორის ფრთოსან რაკეტა 9М729 –„ნოვატორზე“, რომელსაც 5500 კმ სიშორეზე შეუძლია ბირთვული იარაღის გადატანა.
მოსკოვი აცხადებს, რომ იგი არ არღვევს ხელშეკრულებას საშუალო რადიუსის ბირთვული შეიარაღების შესახებ. გერმანიის საგარეო საქმეთა მინისტრთან შეხვედრის დროს სერგეი ლავროვმა ხაზი გაუსვა იმას, რომ აშშ-თან ამ ხელშეკრულების თაობაზე მოლაპარაკებები უპერსპრექტივოა, ვაშინგტონის მტკიცე გადაწყვეტილების გამო.
აშშ-ის მთავრობამ განაცხადა, რომ თებერვლის დასაწყისში გავა INF -დან, თუ მოსკოვი გააგრძელებს საშუალო რადიუსის ბირთვული შეიარაღების შესახებ ხელშეკრულების დაღვევას.