კრიშტიანუ რონალდუ მადრიდში სასამართლოს წინაშე წარსდგება
მოელიან, რომ პორტუგალიელი თავდამსხმელი, რომელიც მადრიდის „რელიდან“ გასულ წლის ივლისში გადავიდა იტალიის „იუვენტუსში“, თავს დამნაშავედ აღიარებს მას შემდეგ, რაც გასული წლის ზაფხულში მიაღწია შეთანხმებას, გარიგებით მოაგვაროს დავა 18,8 მილიონი ევროს (21,43 მილიონი აშშ-ის დოლარის) გადახდაზე ესპანეთის საგადასახადო ორგანოებთან.
სააგენტო "როიტერსის" თანახმად, ნაკლებად სავარაუდოა, რომ ფეხბურთელს მიესაჯოს გარკვეული ვადით პატიმრობა, ვინაიდან ესპანეთის კანონმდებლობა, პირველი დანაშაულისათვის მისჯილი, ორ წელზე უფრო ნაკლები ვადის სასჯელის შემთხვევაში, პირობით პატიმრობას ითვალისწინებს.
ესპანეთის პროკურატურა აცხადებს, რომ იგი ფეხბურთელისაგან მოითხოვდა 5,7-ევროს ჯარიმას, რაც რონალდუმ უკვე გადაიხადა და ასევე 1 მილიონის ევროს საურავს.
33 წლის რონალდუ მოპასუხეა კიდევ ერთ გახმაურებულ საქმეზე, რომლის გამოძიებაც აშშ-ი მიმდინარეობს კეტრინ მაიორგას საჩივრის საფუძველზე. გასული წლის სექტემბრის ბოლოს აშშ-ის შტატ ნევადაში კეტრინ მაიორგამ სასამართლოში სარჩელი შეიტანა და თქვა, რომ რონალდუმ ის ლას-ლას ვეგასში გააუპატიურა 2009 წელს. ქალმა 2010 წელს 375 000 აშშ დოლარი მიიღო ინციდენტის შესახებ გაჩუმების სანაცვლოდ, მას შემდეგ, რაც მასზე ზეწოლა განახორციელეს რონალდუს წარმომადგენლებმა.
კრიშტიანუ რონალდუ თავს უდანაშაულოდ მიიჩნევს და აცხადებს, რომ სექსუალური კავშირი ორმხრივ სურვილის შედეგი იყო.