Аҳмадбойнинг биринчи интервьюси: «Камбағални бой қилганман, бойни янаям бойитганман… Одамлар Худодан қўрқсин!»
Одамларнинг миллионлаб пулларини айлантириб, молиявий пирамида ташкил қилгани учун қамалган Аҳмадбой энди янги иддао билан чиқди. Эмишки, у ҳеч кимни зор қақшатмаганмиш. Одамларнинг пулларини кўпайтиришга ёрдам берганмиш, холос. Бир сўз билан айтганда, камбағални бой қилганмиш, бойнинг бойлигини яна ҳам кўпайтирганмиш.
Ол-а! Бир юмалаб жиноятчидан жабрдийдага айланиб олишини қаранг. Сал гапиришга имкон берсангиз, одамларни кўрнамакликда ҳам айблайди, бу юзсиз. Мазкур интервьюда одамлар уй-жойларини сотиб, менга пул беришмаган. Йиғиб қўйган ортиқча пулларини беришган, мен кўпайтириб берганман, деган гапни жуда кўп таъкидлади. Бунга ишончингиз комилми, ўртоқ Аҳмадбой?!
Ўша йили биз қулупнай териш учун бир гуруҳ аёлларни ишлатгандик. Гапдан-гап чиқиб ўша мардикор аёллар ер чангаллаб, қуёш тиғида ишлаб топган пулларини ҳам шу нобакорга элтиб беришганини ва энди куйиб ўтиришганини таъкидлашганди.
Аҳмадбой билан интервьюнинг тўлиғини мана бу ҳавола орқали томоша қилинг.