Sulmuesi i xhamive në Zelandën e Re akuzohet për terrorizëm
Australiani Brenton Tarrant - i vetëdeklaruar supremacist i bardhë - u ngarkua më herët me 51 akuza për vrasje dhe 39 akuza për tentim-vrasje.
Akuza për terrorizëm bart dënimin maksimal me burgim të përjetshëm.
Policia tha përmes një deklarate se Tarrant u akuzua për "angazhim në një akt terrorist".
Tarrant akuzohet për vrasjen e 51 personave dhe plagosjen e dhjetëra të tjerëve në dy xhami të Kristçërçit, më 15 mars.
Kanë qenë këto të shtënat më vdekjeprurëse masive në Zelandën e Re.
Disa javë më vonë, Parlamenti i këtij vendi votoi për ndalimin e armëve gjysmë-automatike.
Tarrant, 28 vjeç, do të paraqitet në gjykatë në qershor.
Më shumë në këtë temë:
Kryeministrja e Zelandës së Re: Sulmuesi është “pa emër”
Nacionalizmi i bardhë nuk do të tolerohet nga Facebook-u