«Челси» Лондон дербисида «Арсенал» устидан йирик ҳисобда ғалаба қозониб, Европа лигаси ғолибига айланди
Озарбайжон пойтахти Боку шаҳридаги «Олимпийский» стадионида Европа лигаси 2018/19 йилги мавсумининг ҳал қилувчи баҳси ўтказилди. Унда Лондоннинг икки жамоаси «Челси» ҳамда «Арсенал» ўзаро тўқнаш келди. Учрашувда Маурисио Сарри шогирдлари рақибларини йирик (4:1) ҳисобда таслим этиб, бош соврин эгасига айланди. Қайд этиш жоизки, «аристократлар» ушбу титулни ўз тарихида иккинчи маротаба қўлга киритди. Аввалроқ, «Челси» 2013 йилда ҳам бош соврин соҳибига айланганди.
Челси – Арсенал 4:1 (0:0)
«Олимпийский» стадиони.
Голлар: 1:0 – 49 Жиру, 2:0 – 60 Педро, 3:0 – 65, пенальти Азар, 3:1 – 69 Ивоби, 4:1 – 72 Азар.
Челси – Аррисабалага, Кристенсен, Эмерсон, Аспиликуэта, Давид Луиз, Ковачич (Баркли, 76), Жоржиньо, Педро (Виллиан, 71), Канте, Азар (Дзаппакоста, 89), Жиру.
Арсенал – Чех, Косьельни, Монреаль (Гендузи, 66), Колашинац, Папастатопулос, Торрейра (Ивоби, 67), Мэйтленд-Найлз, Джака, Озил (Уиллок, 77), Обамеянг, Ляказетт.
Огоҳлантиришлар: Педро (56), Кристенсен (68).