Ангеловска: Ребалансот е за поголеми плати и во приватниот сектор

Од овој Ребаланс, за граѓаните обезбедуваме поддршка за поголеми плати за вработените во приватниот сектор, поголеми плати за вработените во јавната администрација, повеќе средства за поддршка на активните мерки за вработување за невработените граѓани, рече министерката за финансии, Нина Ангеловска, бранејќи го ребалансот, кој денеска е пред пратениците во Собранието.


„Конечно, за нешто помалку од три месеци првпат на граѓаните ќе им бидат вратени и првите пари преку проектот Мој ДДВ. А ова не е единствената придобивка од овој проект, зашто преку тој проект граѓаните директно ја помагаат борбата за намалување на сивата економија“, рече Ангеловска. која првпат пред пратениците брани ваков документ, откако е на министерска функција.