Біртанов: Covid-19 дертіне шалдыққан сегіз адамның халі ауыр
Министрдің сөзінше, емделіп жатқандардың арасында 14 жасқа дейінгі екі бала бар
Министрдің дерегінше, Қазақстанда вирус жұқтырған 302 адамның 79-ы – шетелден келгендер. 97 науқас вирус жұқтырғандармен байланыста болған. Ал қалған жүзден астам адамның жұқтыру себебі белгісіз.
Қазақстанда барлығы 20 адам (Нұр-Сұлтан - 13, Алматы - 7) аурудан жазылған. Дерттен айыққандар арасында 12 жасар қыз бала бар. 26 наурызда Ақмола облысы Қосшы ауылында 65 жастағы әйел адам коронавирустан қайтыс болған.
Қазақстанда 15 сәуірге дейін төтенше жағдай. Елде бірнеше қала мен облыста карантин жарияланған.