Украинерчу тIамна дуьхьал хIиттийначу митингашкахь дакълоцу Европерчу нохчийн диаспоро
Австрин Грац гIалахь хиллачу митингехь дакъалаьцначу нохчийн жигархочо Дунаева Розас Кавказ.Реалиига дийцарехь, Solidarität mit der Ukraine ("Украинаца солидарехь".-Редакцин билгалдаккхар.) хилла митинган цIе. Цуьнан декъашхоша кхайкхамбира Европерчу политикашка, Киевца цхьана хилар а, Украинана гIо лацар а, Путинан а, цуьнан гонан а хьокъехь цхьа барамаш тIеэцар а доьхуш.
Оцу тайпа акци хIоттийра, 250 гергга стаг вовшахкхетта, Венехь а. Украинан йоккха байракх йоцург а, цигахь дIасаяржийра кIайн-цIен-кIайн Беларусин а, Гуьржийчоьнан а, къобал ца йинчу Ичкерия республикан байракхаш а. Нохчийн диаспоран векалша дийцира митингехь, шайн мехкашца Москвано лелийначу агрессех а, шайн дуьхьалоярехь зеделлачух а.
Хаамбо, оцу кепара дуьхьалонан акцеш Украинан диаспоро Германехь а дIаяхьарх. Царех дIакхийтира, цигахь беха 250 гергга нохчий а.
Дечкен-бутт бовш Австрин бакъоларъяран организацеша а, нохчийн диаспоран векалша а Инсбрукехь хIоттийра "Дозанаша воь" аьлла митинг. Оцу некъашца церан Iалашо яра нохчий Оьрсийчоьне дIалуш хиларан а, цул тIаьхьа Нохчийчохь уьш хьийзош хиларан а проблемина Iедалхойн терго тIеозор.
ХIора дийнахь ОБСЕ миссин балхах лаьцна дечу дIахьедарна тIехь аьлла ду, дийнахь-буса а Донецкан кIоштахь 200-зза сов, герз сацош бина сацам, бохийна хиларх, Луганскан кIоштахь – 700-зза сов къепе йохорах. Къобал ца йинчу республикийн а, Украинан эскарша а вовшашна тIетуьтту бехкаш. Шина а агIоно дIахьедо, шайн-шайн позицешна тIелата кечлуш хиларх, оцу юкъанна хIораммо а бакъ ца до, кечам беш хилар: