ჰოგვორტსის რომელ სახლს მიეკუთვნებით ზოდიაქოს ნიშნის მიხედვით
სექტემბერია, რაც იმას ნიშნავს, რომ ჰოგვორტსში ახალ სასწავლო წელს უნდა იწყებდეთ და ბოროტი ძალების წინააღმდეგ საბრძოლველად ემზადებოდეთ.
ზოდიაქოს ოთხივე ელემენტი თითქმის ზუსტად შეესაბამება ჰოგვორტსის ოთხივე სახლს. თუმცა, რა თქმა უნდა, გამონაკლისებიც არსებობს, რადგან თქვენი ხასიათი, შესაძლოა, არ ემთხვეოდეს თქვენივე ნიშნისას, რადგან ასტროლოგიურ რუკაში სხვა პლანეტების და სახლების გავლენა გქონდეთ. არ დაგავიწყდეთ, ჰერმიონ გრეინჯერი ლამის რეივენქლოში მოხვდა.
ცეცხლის ნიშნების წარმომადგენლები, ვერძი, ლომი, მშვილდოსანი, გრიფინდორის კლუბს მიეკუთვნებიან. მათი ფერები წითელი და ოქროსფერია, თანაც სიმბოლო ლომია. ისინი გამბედაობით, სიმამაცით და მონდომებით გამოირჩევიან. ერთმანეთს მუდამ გვერდით უდგანან, ადვილად ივიწყებენ და პატიობენ. კეთლშობილები არიან.
რაც შეეხება მიწის სტიქიას, კურო, ქალწული, თხის რქა, ისინი უდავოდ ჰაფლპაფის გუნდის წარმომადგენლები არიან. მათი ფერები ყვითელი და შავია, სიმბოლო კი მაჩვი. ისინი მომთმენები, შრომისმოყვარეები, სტაბილურები და მიზანდასახულები არიან. გამოირჩევიან გულწრფელობით, ტოლერანტობით, ჰუმანურობით და სამართლიანობით.
ჰაერის ნიშნები, ტყუპები, სასწორი, მერწყული რეივენქლოს წარმოადგენენ. ფერები ლურჯი და ბრინჯაოსფერი, სიმბოლო არწივი/ყორანი. განასახიერებს სიბრძნეს, ჭკუას, ინტელექტს, რითაც ჰაერის ნიშნები გამოირჩევიან. ისინი ცნობისმოყვარეები, სოციალურები და ცოდნის მაძიებლები არიან. უყვართ სირთულეები და თავსატეხების ამოხსნა.
და ბოლოს წყლის ნიშნები, კირჩხიბი, მორიელი, თევზები უთუოდ სლიზერინს განასახიერებენ. ფერები მწვანე და ვერცხლისფერი, სიმბოლო გველი. ამბიციურები, ჭკვიანები, დაუმორჩილებლები, მართალია, არსებობს სტერეოტიპი, რომ სლიზერინში მხოლოდ ბოროტი ჯადოქრები ხვდებიან, თუმცა ასე არ არის. ისინი ღრმა ემოციური კავშირებით, იდუმალებით და მისტიკურობით გამოირჩევიან.
წყარო: cosmopolitan