კადიროვის უფროსი ვაჟი, 18 წლის ახმატი, ჩეჩნეთის სპორტის მინისტრის მოადგილედ დაინიშნა
როგორც საიტი "კავკაზ.რეალიი" აღნიშნავს, ეს პოზიცია ადრე ჰუსეინ აბდულკარიმოვს ეკავა. თუმცა, ოფიციალური დადგენილებებიდან გამომდინარე, რომელიც რედაქციამ შეისწავლა, 8 ნოემბრიდან იგი სპორტის მინისტრის უბრალო მოადგილედ დაქვეითდა.
მანამდე ახმატ კადიროვი დაინიშნა ჩეჩნეთის მეთაურის თანაშემწედ და პროსახელისუფლებო ახალგაზრდული "მოძრაობა პირველის" რეგიონული ფილიალის საბჭოს თავმჯდომარედ.
საერთო ჯამში, კადიროვების ოჯახის 100-მდე ნათესავი-შვილები, დები, სიძეები, ძმისშვილები, ახლო, თუ შორეული ნათესავი, ჩეჩნეთში სხვადასხვა დონის საჯარო თანამდებობაზე იმყოფება.
2018 წელს BBC-ის რუსულმა სამსახურმა გამოაქვეყნა გამოძიება, რომელშიც ნათქვამია, რომ ჩეჩნეთის 158 ოფიციალური პირიდან დაახლოებით 47 ადამიანი კადიროვთან იყო დაკავშირებული.
მიმდინარე წლის მარტში, თავის ქორწილამდე ერთი დღით ადრე, ახმატი მოსკოვში ერთი-ერთზე შეხვდა ვლადიმირ პუტინს, რამაც გააძლიერა ეჭვი, თითქოს რამზან კადიროვი და კრემლი ახმატს, ჩეჩნეთის ლიდერის ავადმყოფობის გამო, მის მემკვიდრედ ამზადებდნენ.
მიმდინარე წლის მარტში, თავის ქორწილამდე ერთი დღით ადრე, ახმატი მოსკოვში ერთი-ერთზე შეხვდა ვლადიმირ პუტინს, რამაც გააძლიერა ეჭვი, თითქოს რამზან კადიროვი და კრემლი ახმატს, ჩეჩნეთის ლიდერის ავადმყოფობის გამო, მის მემკვიდრედ ამზადებდნენ.