Մեզ հետաքրքրիր հանդիպում է սպասվում. ամեն ինչ անելու ենք հաղթելու համար. Բիչախչյան
Հայաստանի ֆուտբոլի ազգային թիմի կիսապաշտպան Վահան Բիչախչյանը Կոսովոյի ընտրանուն լավ թիմ է համարում:
«Առայժմ կենտրոնացած ենք միայն Կոսովոյի դեմ ընկերական խաղի վրա: Կոսովոն շատ լավ թիմ է, որն ունի բարձրակարգ ֆուտբոլիստներ: Բացի այդ, նաև նոր մարզիչ ունեն, ինչը կարող է լրացուցիչ մոտիվացիա լինել թիմի համար: Մեզ հետաքրքրիր հանդիպում է սպասում: Բայց մենք ամեն ինչ անելու ենք հաղթելու համար»,-«Արմենպրես»-ի հաղորդմամբ` լրագրողների հետ հանդիպման ժամանակ ասաց Բիչախչյանը:
Վերջինիս խոսքով` ինքն այժմ լավ մարզավիճակում է և թիմն էլ շատ լավ նախապատրաստվել է: Կիսապաշտպանն ընդգծեց, որ իր խաղաոճով հարձակվողական կիսապաշտպան է և նպատակ ունի առաջիկա խաղում գոլով ուրախացնել երկրպագուներին:
Հայաստանի ֆուտբոլի ազգային թիմը մարտի 22-ին Երևանում կընդունի Կոսովոյի հավաքականին, իսկ մարտի 26-ին արտագնա մրցախաղ կունենա Չեխիայի հետ: