АҚШ ушбу 43 давлат фуқароларининг киришини чеклаши мумкин

АҚШ ҳукумати 43 мамлакат фуқаролари, жумладан, россияликлар ва беларуслар учун кириш қоидаларини ўзгартириш ниятида, деб хабар берди The New York Times (NYT). Давлат департаменти бу давлатларни уч тоифага бўлишни режалаштирмоқда.

NYT манбаларига кўра, 11 давлат фуқароларининг Қўшма Штатларга кириши бутунлай тақиқланади. Улар орасида Афғонистон, Бутан, Венесуэла, Куба, Эрон, Ливия, КХДР, Сомали, Судан, Сурия ва Яман бор.

Иккинчи тоифага Россия, Беларус, Эритрея, Ҳаити, Лаос, Мянма, Покистон, Серра-Леоне, Жанубий Судан ва Туркманистон киради. Бу мамлакатлардан фақат бадавлат тадбиркорларга АҚШга киришга рухсат берилади, туристлар ва иммигрантлар киритилмайди.

Учинчи гуруҳ вақтинчалик бўлиб, уларга иммиграция масалаларидаги камчиликларни тузатиш шарти қўйилади. Шундан сўнг улар биринчи ёки иккинчи тоифага тайинланади. Вақтинчалик рўйхатга Ангола, Антигуа ва Барбуда, Бенин, Буркина-Фасо, Камбожа, Камерун, Кабо-Верде, Чад, Конго Демократик Республикаси, Доминика, Экватор Гвинеяси, Гамбия, Либерия, Малави, Мали, Мавритания, Сент-Китс ва Невисс, Вануату ва Зимбабве каби давлатлар киради.

АҚШ президенти Доналд Трампнинг мамлакатларни иммиграция тоифаларига ажратиш нияти ўтган ҳафтада маълум бўлган эди. Энди уларнинг тўлиқ рўйхати эълон қилинди.