ზაპორჟიეზე ავიადარტყმას ნგრევა მოჰყვა, არიან დაშავებულები
ექვსი ადამიანი დაიჭრა უკრაინის ზაპოროჟიეს რაიონზე რუსეთის ავიადარტყმის შედეგად. შეტევა 20 მარტს, ღამით იყო.
ზაპოროჟიეს საოლქო-სამხედრო ადმინისტრაციის ხელმძღვანელ ივან ფიოდოროვის მიერ დღეს, 21 მარტს, დილით გავრცელებული ინფორმაციით, დაჭრილებს შორის 4 წლის ბიჭია. ფიოდოროვის ცნობითვე, რუსულმა ავიაბომბებმა დაანგრია ორი და დააზიანა სამი კერძო სახლი.
გასულ ღამით რუსეთის ჯარებმა უპილოტო საფრენი აპარატებით მასირებული შეტევა მიიტანეს ოდესაზე. უკრაინის საგანგებო სიტუაციების სამსახურის ცნობით, დაშავდა სამი მოზარდი. დაზიანდა მრავალსართულიანი სახლი, ხანძარი გაჩნდა სავაჭრო ცენტრსა და რამდენიმე მაღაზიაში. ცეცხლის ქრობაში ჩართული იყო 70 მეხანძრე-მაშველი და 22 ერთეული ტექნიკა.
უკრაინასა და რუსეთს შორის საბრძოლო მოქმედებების შეწყვეტის მიზნით, აშშ-ის პრეზიდენტმა დონალდ ტრამპმა 18 და 19 მარტს სატელეფონო საუბრები გამართა რუსეთის პრეზიდენტ ვლადიმირ პუტინთან და უკრაინის პრეზიდენტ ვოლოდიმირ ზელენსკისთან.
უკრაინაში ომის დასრულების საკითხზე მოლაპარაკებები მომავალ კვირაში საუდის არაბეთში უნდა განახლდეს.