Мьянмада яна зилзила рўй берди
Ҳозирча вайронагарчилик ва жабрланувчилар ҳақида расмий маълумотлар келиб тушмаган.
Эслатиб ўтамиз, 28 март куни соат 12:50 (Астана вақти билан 11:20) да Мьянмада 7,7 магнитудали кучли зилзила содир бўлган эди. У марказий ҳудудда рўй бериб, мамлакат бўйлаб кенг миқёсли вайронагарчиликларга сабаб бўлган. Эпицентр Мандалай шаҳридан 17 км узоқда жойлашган.
Мандалай — мамлакатнинг иккинчи йирик шаҳри бўлиб, у ерда 1,5 миллионга яқин аҳоли яшайди.
Мьянма ҳукумати дунё мамлакатлари ва ташкилотларини ёрдам кўрсатишга чақирди ва хорижий гуманитар ёрдам учун йўлларни очиқлигини билдирди.
Зилзила таъсири Таиланд, Бангладеш, Лаос, Хитой ва Ҳиндистонда ҳам ҳис этилган. Таиландда камида 10 киши ҳалок бўлгани, 16 киши жароҳат олгани ва 100 дан ортиқ одам бедарак йўқолгани хабар қилинган.
Бангкокда қурилаётган 30 қаватли бино вайрон бўлган ва ўнлаб одамлар вайрона остида қолган.
Қозоғистон президенти Қасим-Жомарт Токаев 29 март куни Мьянма Бош вазири Мин Аун Хлайнга ҳамдардлик телеграммасини йўллаб, жабрланувчиларга шифо тилаган.