Виталий Левченко: "Насаф" жуда кучли рақиб, биз мезбонлар билан тенгма-тенг ўйнай олдик"

Суперлиганинг 3-туридан ўрин олган "Насаф" - "Нефтчи" (0:0) учрашувидан сўнг меҳмонлар бош мураббийи Виталий Левченко матбуот анжуманида иштирок этди.

- Авваламбор Ўзбекистон аҳлини Рамазон ҳайит айёми билан табриклайман. Бугун фақат ғалаба учун майдонга чиққандик. Қаерлардадир омад етишмади. Жамоани стабил ўйин кўрсатиши учун ишлаяпмиз. Вазиятларни якунлашда камчиликларимиз бор. Эҳтимол бундай ҳолатлар ўйин тонуси билан боғлиқдир. Машғулотларда жиддий ишлаймиз, олдинда бизни осон ўйинлар кутмаяпти.

- "Нефтчи"нинг ҳозирги таркибида кучли футболчилар жам бўлган. Кетма-кет 3 та турдаги дуранглар нима билан боғлиқ?
- Айтиб ўтганимдек, бизга ўйин тонуси етишмаётган бўлиши мумкин. Ўйиндан-ўйинга камчиликларни бартараф этиб борамиз. "Насаф" жуда кучли рақиб, биз мезбонлар билан тенгма-тенг ўйнай олдик. Вазиятлардан фойдаланганимизда эҳтимол ғалаба ҳам қозонишимиз мумкин эди.

- Кўпчиликда "Нефтчи" ўтган мавсумдаги "Навбаҳор"ни такрорлаяпти деган фикр пайдо бўлаяпти...
- Жамоалар бир-бирига ўхшаши мумкин. Бизнинг олдимизда аниқ мақсад ва вазифа бор. Биз бу борада жиддий ишлаяпмиз. Футболчилар бир-бирларини тушуниб боргани сайин ўйинимиз кучайиб бораверади.

- Владимир Йовович захирада қолганига сабаб нима?
- Футболчидаги ҳолатни мураббийлар штаби яхшироқ билади. Биз унга бир оз дам беришга қарор қилдик, бироқ режамизга кўра у иккинчи бўлимда ўйинга қўшилиб, рақиб учун кутилмаган ҳужумларни ташкил этиши лозим эди. Айтиб ўтганимдек, ўйиндан-ўйинга кучайиб борамиз.

Манба: championat.asia