Eksplosjon ved Ikea-fabrikk i Hultsfred

For andre gong på ei dryg veke har det vore ein eksplosjon i ein silo ved Ikeas fabrikk i Hultsfred, melder SVT.

Ved begge tilfella begynte det å brenne etter eksplosjonen. Brann- og redningstenesta er søndag på plass for å sløkke brannen.

– Det er uvanleg med to eksplosjonar. Det er uklart kva som har skjedd, seier innsatsleiar Andreas Enberg til den svenske kringkastaren.

Ikea bekreftar til SVT at det har vore to eksplosjonar, men seier ingen personar er skadde, og dei har heller ikkje gjort større materielle skadar på fabrikken.