Ротен: Мбаппенинг ўйини — фожиа
«Биз Мбаппе ҳақида гапляпмиз. У орзу қилган жамоасига келди — барча совринларни, жумладан, Чемпионлар лигасини ютиб, “Олтин тўп” соҳибига айланишни мақсад қилган эди. Аммо бу мавсум у учун ҳам жамоавий, ҳам шахсий жиҳатдан муваффақиятсизлик бўлди. Бу фожиа. У бу йил “Олтин тўп”ни ололмайди.
Мавсум бошида биз унга мослашиш учун вақт бердик, сабаблар ҳам кўрсатдик. Лекин сен Мбаппе бўлсанг, вақт камаяди. У кўп гол урди, лекин ўйини – фожиавий.
Менимча, унинг ишга бўлган муносабати даҳшатли. Бу унинг сўзлари билан мос келмайди. Буни ҳеч ким муваффақият деб айтолмайди. Унга омад тилайман, лекин бу мавсум жуда заиф ўтди», — деди Ротен.
Маълумот учун, Мбаппе ўтган ёзда ПСЖдан “Реал”га эркин агент сифатида ўтган эди. 26 ёшли ҳужумчи “Реал” сафида 49 ўйинда майдонга тушиб, 32 гол ва 4 ассист қайд этди.