«Барселона»нинг ёш юлдузи билан қизиқ воқеа: Уни танимаган мухлисалар суратга тушишди!

«Барселона»нинг ёш иқтидорли футболчиси Ламин Ямаль майдондаги ажойиб ўйинлари билан дунёга машҳур бўлиб улгурган. Аммо бу сафар у ижтимоий тармоқларда ўз футбол маҳорати билан эмас, балки кўчада бўлиб ўтган қизиқарли воқеаси билан кўпчилик диққатини ўзига жалб қилди.

17 ёшли юлдуз Испанияда кўча бўйлаб саёҳат қилиб юрган пайтда, бир гуруҳ аёллар унинг олдига келиб, уни танимаган ҳолда суратга туширишни сўрашди. Улар Ламинни футболчи сифатида эмас, балки оддий ўткинчи ёш йигит деб ҳисоблашганди. Ёш футболчи бу ғайриоддий илтимосга камтарона муносабат кўрсатиб, аёлларнинг истагини бажарди ва улар билан бирга хушчақчақлик билан суратга тушди.

Аёллар эса ким билан учрашганини ҳатто тасаввур ҳам қилмасдан, ўз йўлларида давом этишди. Уларнинг «Жаҳон футболининг янги юлдузи» билан бирга тушган сурати тез орада ижтимоий тармоқларда тарқалиб, кўплаб мухлислар орасида қизғин муҳокамаларга сабаб бўлди.

Кўплаб футбол ишқибозлари бу ҳолатга ҳазиломуз муносабат билдириб, «Бу аёллар дунё юлдузи билан суратга тушганларидан ҳатто хабарлари ҳам йўқ», деб ёзиб қолдиришди. Бошқалар эса Ямалнинг камтарона ва самимий ҳаракатини юқори баҳолаб, унинг майдондан ташқарида ҳам намунавий шахс эканини таъкидлашди.

Ламин Ямаль сўнгги пайтларда Испания чемпионатида ва халқаро мусобақаларда кўрсатаётган ажойиб ўйини билан «Барселона»нинг асосий футболчилари қаторида тилга олинади. Ўзининг ёш бўлишига қарамай, у аллақачон футбол оламидаги энг ёрқин истеъдодлардан бири сифатида тан олинган.

Ушбу воқеа Ламин Ямалнинг нафақат иқтидорли спортчи, балки жуда оддий ва самимий инсон эканлигини ҳам намойиш этди. Айни пайтда у ижтимоий тармоқларда кўпчилик томонидан энг севимли футболчилар қаторига кириб улгурди.

Манба: haberler.com