NRK byttar frå Microsoft til Google
NRK har valt Google som leverandør av ny kontorstøtteplattform. NRKs medarbeidarar skal nå skifte ut Word, Teams og SharePoint til fordel for Google Workspace sine alternative løysingar.
NRKs avtale med Microsoft 365 går ut 30. juni i år.
Hovudårsakene til bytet av kontorstøtteplattform er vilkåra, funksjonaliteten og prisen på den nye avtalen.
– Med denne avtalen får heile NRK tilgang til svært avanserte KI-løysingar og ei kraftig kontorstøtteplattform bygde for samhandling, til ein svært konkurransedyktig pris, seier Pål Nedregotten, teknologidirektør i NRK.