Хитой биринчи учувчи авианосияни парвозга тайёрлаяпти
Бу ҳаво кемаси 100 тагача дронни ташиш ва уларни 7000 километр радиусда жойлаштириш имконига эга бўлади. Унинг биринчи синов парвози Хитой давлат телеканали CCTV манбаларига кўра, июн ойининг охирига белгиланган.
Ушбу платформадан мақсад — Хитой ҳарбий-ҳаво кучларининг дрон орқали жанг ва оммавий камикадзе ҳужумларини мувофиқлаштириш қобилиятини синашдир. Бу тактика рақиб мудофаасини бир вақтда бир нечта учувчи қурилма билан босим остида қолдиришга қаратилган.
Эслатиб ўтамиз, “Цзю Тянь” 2024 йил ноябр ойида Чжухайдаги авиасалонда намойиш этилган. Унинг қанот ёйилиши 25 метрни, максимал учиш вазни эса 16 тоннани ташкил қилади. 15 000 метргача баландликка чиқиш қобилияти билан у дунёдаги кўплаб ўрта масофали ҳаво мудофаа тизимлари учун деярли етиб бўлмас объектга айланади.