Йўқолган деб келинган Тёрнер асари 150 йилдан сўнг топилди!
The Rising Squall номли асар мойбўёқда чизилган бўлиб, унда Бристол шаҳридаги “Хот-Уэллс” иссиқ булоғи бурунли ва драматик табиат фонида тасвирланган. Ушбу асар Тёрнернинг ижодий йўлидаги илк босқичлардан бири бўлиб, у бу картинани бор-йўғи 17 ёшида яратган.
Сурат илк бор 1793 йилда Лондондаги Қироллик академиясида кўргазмага қўйилган. Аммо 1858 йилдан кейин полотнонинг кейинги тақдири ҳақида ҳеч қандай маълумот бўлмаган. Охирги марта у Австралияда жамоатчиликка намоён қилингани қайд этилган, шу пайтдан сўнг у бутунлай издан йўқолган.
2024 йилда тасодифий тиклаш ишлари жараёнида расм остида Тёрнернинг ўз қўли билан қўйган имзоси аниқланди ва шундан сўнг унинг ҳақиқий муаллифига оидлиги исботланди. Экспертлар бунга қадар Тёрнернинг биринчи мойбўёқдаги иши сифатида "Денгиздаги балиқчи" асарини билишар эди, аммо янги топилма бу маълумотларни қайта кўриб чиқишга туртки бўлди.
Санъатшуносларнинг фикрича, бу сурат нафақат Тёрнернинг ижодий мероси учун, балки бутун Британия тасвирий санъати учун улкан кашфиётдир. Энди асар Sotheby’s кимошди савдолари уйи томонидан 28 июндан 1 июлгача Лондонда кўргазмага қўйилади ва кейинчалик аукционда сотувга чиқарилади. Нодир полотнонинг баҳоси 300 минг фунт стерлинг (тахминан 380 минг доллар) деб белгиланган.
Мазкур картинанинг қайта топилиши ва Тёрнер мероси ҳақидаги илмий мулоҳазалар келгусида Британия рассомчилигида янги даврни бошлаши мумкин.