Ҳаж сафаридаги илк зиёратчилар Ватанга тантанали тарзда қайтишди
"Uzbekistan Airways" авиакомпанияси амалга оширган ушбу парвоз орқали 2025 йил Ҳаж мавсумининг илк зиёратчилари юртга етиб келди. Uzbekistan Airports матбуот хизмати хабарига кўра, уларни аэропортда самимий эҳтиром билан кутиб олдилар.
Учиб келиш зали зиёратчиларни ўз яқинлари, фарзандлари ва қариндошлари оғушида қарши олди. Волиятлардан келганлар учун эса махсус автобуслар тайёр ҳолда кутмоқда эди. Бу эса зиёратчиларнинг аниқ ташкил этилган логистика орқали ўз шаҳарларига қайтиб олишини таъминлашга хизмат қилди.
Мутасаддилар маълум қилишича, 12 июндан 30 июнгача Жиддадан Тошкент, Наманган, Қарши, Самарқанд, Бухоро, Урганч ва Нукус шаҳарларига жами 62 та рейс амалга оширилиши режалаштирилган. Бу рейслар орқали 15 150 нафар ўзбекистонлик зиёратчи муқаддас сафардан юртга қайтиши кутилмоқда.
Шу ўринда таъкидлаш жоизки, Ҳаж сафари — мусулмон кишининг ҳаётидаги энг улуғ ибодатлардан бири бўлиб, ундан қайтган инсон маънавий покланиш ва янгиланиш туйғуси билан юртини қаршилайди. Аэропортдаги самимий муҳит, эл-юртимизнинг зиёратчиларга бўлган эҳтироми бу сафарнинг қандай руҳий юксалишлар бағишлаганини яна бир бор намоён этди.
Ўзбекистон зиёратчилари учун яратилган бу имкониятлар — юртимиздаги диний эркинлик, тинчлик ва барқарорлик сиёсатининг амалий самарасидир.