Таяу Шығыстағы қақтығыстар кезінде мұнай бағасы күрт өсті
Әлемдік нарықта мұнай бағасы күрт өсті. Brent маркалы мұнай бағасы бір барреліне 76 доллардан асты, - деп хабарлайды Tengrinews.kz тілшісі.
Астана уақытымен сағат 09:00-дегі жағдай бойынша Лондондағы ICE биржасында Brent маркалы мұнайдың тамыздағы фьючерстерінің бағасы 4,73 пайызға өсіп, бір баррель үшін 76,7 доллар болды.
WTI маркалы мұнайдың тамыздағы фьючерстері 4,66 пайызға қымбаттап, бір баррель үшін 73,53 доллар болды.
Мұнай бағасына әсер еткен себептер
Мұнай бағасы геосаяси тәуекелдер фонында көтеріліп жатыр: Израиль мен Иран арасындағы қақтығыс, сондай-ақ Ормуз бұғазының жабылу қаупі. Ұзақмерзімді әсері бұғаздың ашық күйде қалуына және АҚШ-тың шиеленісті одан әрі ушықтырмауға қабілетіне байланысты болады. Халықаралық энергетикалық агенттік (IEA) мұнай қорының жоғары деңгейде екенін хабарлағанымен, әлемдегі белгісіздік мұнай бағасының өсуіне себеп болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!