Гвардиола “Видад”га қарши ўйинда ёшларга ишонч билдирди
Ажабланарлиси шундаки, бугунги учрашувда Гвардиола анъанавий юлдузлардан кўра, ёшлар ва янги қўшилган футболчиларга катта ишонч билдирди. “Сити” таркиби қуйидагича шаклланган:
Асосий таркиб:
Дарвозабон: Эдерсон (сардор)
Ҳимоячилар: Льюис, Рейс, Аке
Яримҳимоячилар: О’Рейлли, Рейндерс, Фоден
Ҳужумкор ўйинчилар: Черки, Савиньо, Доку, Мармуш
Серхио Гомес, Гюндоган, Родри, Гвардиол, Холанд, Бернарду Силва, Нуньес, Хусанoв каби етакчилар эса захирада қолган. Айниқса, ўзбекистонлик ёш ҳимоячи Абдуқодир Хусановнинг бугунги баҳсда захирада экани мухлисларни қизиқтирмасдан қолмади.
Ушбу таркибдан кўриниб турибдики, Пеп жамоасининг ички рақобатини сақлаш ҳамда ёшларга амалиёт бериш мақсадида бугун тажрибага бой таркиб билан майдонга тушади. Хусусан, Эдерсоннинг сардор сифатида етакчилик қилиши, Мармуш ва Савиньо каби номдор бўлмаган, аммо иқтидорли футболчиларнинг асосий таркибдан ўрин олгани жамоа катта мақсадлар сари интиляётганидан далолат беради.
Беллашув Тошкент вақти билан соат 21:00 да старт олади.
Эслатиб ўтамиз, ушбу гуруҳдаги иккинчи учрашув “Ал-Айн” ҳамда “Ювентус” ўртасида кечади. Ушбу баҳс 19 июнь куни эрталаб соат 06:00 да бўлиб ўтиши режалаштирилган.
Футбол мухлислари учун бу кеча нафақат жаҳон чемпионатидаги муҳим босқич, балки “Манчестер Сити” таркибидаги истиқболли ёшларнинг синов кечасига айланиши мумкин.