Жаңа Салық кодексі Президенттің қол қоюына жіберіледі
Мәжіліс депутаттары сенаторлардың жаңа Салық кодексіне, сондай-ақ салық салу туралы заң жобасына енгізген түзетулерімен келісті. Енді құжат президенттің қол қоюына жіберіледі, - деп хабарлайды Tengrinews.kz тілшісі.
Не болды?
Дүйсенбі, 23 маусымда сенаторлар жаңа Салық кодексінің жобасын қарады. Парламентарий құжаттың кейбір тармақтарымен келіспей, оны Мәжіліске қайта өңдеуге жіберді. Олар келесі өзгерістерді ұсынды:
Шаруалар – табысы 230 000 АЕК-тен асатын (2025 жылы шамамен 900 миллион теңге) фермерлерге 4,5 пайыздық салық салынады. Бұрын олар салық төлемейтін;
Биржалар – KASE-де құнды қағаздардан түскен табыс жеке табыс салығына жатпайды, бұл қазақстандық және халықаралық биржалар арасындағы теңгерімсіздікті болдырмау үшін жасалды;
Төлем карталары – карталар арқылы жасалған операциялар ҚҚС-тан босатылады, бұл комиссиялардың өсуіне және төлемдермен байланысты қиындықтарға жол бермеу үшін қажет;
Сән-салтанат салығы – қымбат көліктерге (75 миллион теңгеден жоғары), яхталар мен ұшақтарға акциз салығы салынады, олар ел ішінде сатып алынған болса да;
Мүгедектігі бар адамдар – құрамында кемінде 10 мүгедек адамы бар компаниялар ҚҚС-тан босатылады;
Газеттер мен журналдар – отандық баспа басылымдары үшін ҚҚС мөлшерлемесі 10 пайыз болады;
Салықтар мен жеңілдіктер – жаңа салықтар немесе жеңілдіктердің күшін жою тек алдын ала, 1 шілдеден кеш емес енгізілуі тиіс және олар келесі жылдың 1 қаңтарынан бастап күшіне енеді.
Бүгін Парламентте жаңа Салық кодексі қабылданды, енді ол Президенттің қол қоюына жіберіледі.
Егер Президент қол қойса, құжат 2026 жылғы 1 қаңтардан бастап күшіне енеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!