АҚШда туғилганларга фуқаролик: Олий суд Трамп сиёсатига йўл очдими?
Шу қарорга кўра, АҚШнинг бир қатор қуйи судлари мамлакат президенти Доналд Трамп томонидан муҳожирларнинг фарзандларига фуқаролик беришни чеклашга доир фармонини тўхтатиб қўйиш ваколатидан маҳрум этилди. Яъни, эндиликда бу фармонга қарши чиқиш ёки уни тўхтатиб туриш имконияти чекланади. Reuters маълумотларига кўра, Олий суд бу қарор орқали Трамп сиёсати қонунийлигини тўғридан тўғри кўриб чиқмаган, фақат қуйи судлар ваколатини белгилаб берган.
Маълумот ўрнида, Доналд Трамп президентликнинг илк муддатида Олий судга айнан Эми Кони Барреттни тайинлаган эди. Яқиндаги қарордан сўнг Трамп ўз ижтимоий тармоқларида миннатдорлик билдирди ва Олий суд “радикал сўл судялар”нинг “ҳокимиятни суиистеъмол қилиш”га қарши турганини таъкидлади. Унинг сўзларига кўра, бу қарор Конституция, ҳокимиятлар бўлиниши ва қонун устуворлигини ҳимоя қилишда катта ютуқ бўлди.
Трамп 20 январдаги инаугурациядан сўнг АҚШда туғилган болаларга автоматик фуқаролик беришни чекловчи фармонни имзолаганди. Унга кўра, қонуний асосда бўлмаган муҳожирларнинг фарзандлари энди туғилгани учун автоматик равишда фуқаролик ололмайди.
Муҳокамалар ортгани ва судлар ўртасидаги низо АҚШ жамиятида жиддий баҳсларга сабаб бўлмоқда. Бу қарор келажакда фуқароликка даъвогарларнинг ҳуқуқларига, миграция сиёсатига ҳам жиддий таъсир кўрсатиши мумкин.
Бу эса Америкада фуқаролик ҳуқуқлари ва Конституциявий қадриятлар атрофида янги тортишувларни бошлаб бериши аниқ. Мавзу долзарблигича қолмоқда: АҚШда ким фуқаролик олиши мумкин ва бу ҳуқуқ қаергача чўзилади? Жамиятдаги кескин муҳокамалар келгусида қандай натижаларга олиб келиши ҳозирча ноаниқ.