Regjeringa set av 100 millionar kroner til kursing av industriarbeidarar

Regjeringa innfører ei ny pilotordning for å auke kompetanseutviklinga i industrien.

Regjeringa skal legge 25 millionar kroner kvart år i fire år i ein felles pott med Fellesforbundet og Norsk Industri.

Pengane skal betale delar av lønna til tilsette som vil fylle på med kompetanse.

– Vi veit at tilsette i industrien deltek mindre i etter- og vidareutdanning enn andre, og den teknologiske utviklinga går raskt i denne bransjen. Vi må våge å tenkje nytt – og det gjer vi no.

Det seier forskings- og høgare utdanningsminister Sigrun Aasland (Ap) i ei pressemelding frå regjeringa.