Қазақстанда қару сатып алу: ІІМ ережені өзгертті
Ішкі істер министрлігі азаматтық және қызметтік қару айналымы қағидаларына өзгерістер енгізді. Жаңа бұйрыққа сәйкес, белгілі бір талаптар орындалған жағдайда кейбір қару түрлерін рұқсатсыз сатып алуға болады, - деп хабарлайды Tengrinews.kz тілшісі.
Бұйрыққа сәйкес, 2019 жылы бекітілген азаматтық және қызметтік қару мен оған арналған оқ-дәрілердің айналымы қағидаларына өзгерістер енгізілді. Не өзгерді?
Рұқсатсыз қару сатып алу
Мылтық ұңғысының энергиясы 7,5 Дж-дан аспайтын және калибрі 4,5 миллиметрге дейінгі пневматикалық қаруларды, сондай-ақ сигналдық қаруларды арнайы рұқсатсыз сатып алуға болады. Бірақ келесі анықтамаларды ұсыну қажет:
соттылығының жоқтығы туралы;психикалық денсаулық орталықтарынан ("Психиатрия" және "Наркология");қаруды қауіпсіз қолдану бойынша дайындық бағдарламасынан өткені туралы.
Кімдер анықтамасыз сатып ала алады?Әскери қызметшілер (резервтегілерден басқа), арнайы органдар мен құқық қорғау органдарының қызметкерлері (өртке қарсы қызметтен басқа) жоғарыда аталған анықтамаларсыз қару сатып ала алады. Ол үшін растайтын құжаттар қажет.
Газ баллондарын сату
Көзден жас ағызатын немесе тітіркендіргіш заттары бар құралдар (механикалық бүріккіштер, аэрозоль баллондары және т.б.) рұқсатсыз сатылады. Бірақ сатып алушыға міндетті түрде нұсқаулық өткізіліп, тіркеу журналына қол қойылады.
Медициналық анықтамасызӘскери қызметшілер мен арнайы атағы бар қызметкерлер азаматтық қару сатып алуға рұқсатты медициналық қарсы көрсетілімдердің жоқтығы туралы анықтамасыз ала алады.
Мемлекеттік қызметтер саласындағы өзгерістер
Сонымен қатар ІІМ-нің 2020 жылғы 27 наурыздағы қару мен пиротехникалық құралдар айналымы саласындағы мемлекеттік қызмет көрсетуді реттейтін бұйрығына өзгерістер енгізілді. Енді барлық қызмет электрон форматта (жартылай автоматтандырылған) қолжетімді.Өзгерістер мыналарға қатысты:
лицензия беру (сауда, өндіру, коллекция жасауға арналған қарулар мен пиротехникалық заттарға);тирлерге, сатып алуға, сақтауға, алып жүруге, тасымалдауға рұқсаттар;қаруды алып кіру/шығарып әкетуге қорытындылар;азаматтық пиротехникалық заттарға қатысты барлық рұқсаттар.
Азаматтардан талап етілетін құжаттар тізімі де жаңартылды:
өтініштер электрон түрде "электрондық үкімет" арқылы беріледі;мемлекеттік базалардан автоматты түрде келесі мәліметтер тартылады: мемлекеттік баж төлемі, жеке куәлік, лицензиялардың бар-жоғы, қарумен бұрынғы жұмыс тәжірибесі және т.б.;әскери қызметшілер мен арнайы атағы бар қызметкерлер медициналық анықтама ұсынудан босатылады.
Спортшылар, аңшылар, туристер мен шетелдіктер үшін арнайы талаптар мен растайтын құжаттардың формалары қарастырылған — оларға спорт федерацияларынан анықтамалар, дипөкілдіктердің қолдаухаттары және басқа электронды көшірмелер қажет.
Сондай-ақ, 2020 жылғы 22 қыркүйектегі ІІМ бұйрығына түзетулер енгізілді, ол рұқсаттық талаптар мен құжаттар тізбесін белгілейді:
Қаруға ие болуға қарсы көрсетілімдердің жоқтығын растайтын құжат енді ҚР Денсаулық сақтау министрлігі бекіткен жаңа №076/у нысаны бойынша ресімделеді;Құқық қорғау құрылымдары қызметкерлері бұл анықтаманы қызметтік құжат ұсыну арқылы алмастыра алады;Қару сататын заңды тұлғалар қаруға ішкі рұқсатты басшының қолымен растап тапсырады.
Бұйрық алғашқы ресми жарияланған күннен кейін 60 күнтізбелік күн өткен соң (2025 жылғы 1 тамыздан бастап) күшіне енеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!