Сунъий интеллект сабабли Microsoft яна 9,000 ходимни ишдан бўшатади
Microsoft томонидан берилган баёнотда шундай дейилади:
"Компаниямизни доимий ўзгариб бораётган бозор талабларига мос тарзда шакллантириш учун зарур бўлган ташкилий ўзгаришларни амалга оширишда давом этамиз."
Ушбу қисқартишлар Microsoft'нинг глобал миқёсдаги 228,000 кишилик ишчи кучининг тахминан 4 фоизини ташкил этади. Компания айнан қайси бўлимлар бу қарордан энг кўп зарар кўришини очиқламаган бўлса-да, медиа хабарларига кўра, Хбох ўйин бўлими ҳам кескин таъсирга учраши мумкин.
Ички электрон мактубларга кўра, Microsoft ўзининг Perfect Dark биринчи шахс кўринишидаги отишма ўйини ва Everwild каби истиқболли ўйин лойиҳаларини бекор қилган. Ушбу лойиҳаларни ишлаб чиқаётган The Initiative студияси ҳам ёпилади. Бундан ташқари, Turn 10 (Forza Motorsport) ва ZeniMax Online Studios (Elder Scrolls Online) каби таниқли ўйин ишлаб чиқарувчилар ҳам қисқартиришлардан зарар кўрди.
ЗениМахънинг узоқ йиллик раҳбари Матт Фирор июл ойида истеъфога чиқишини эълон қилди ва жамоадошларига миннатдорлик билдириб, ўйинни фойдаланувчи сифатида қўллаб-қувватлашда давом этишини маълум қилди.
Мустақил Ирландиялик Ромеро Гамес студияси ҳам Microsoft томонидан қўллаб-қувватланган лойиҳасидан молиявий маблағлар тўхтатилганидан сўнг, ходимларини қисқартиришга мажбур бўлди. Студиянинг ҳаммуассиси Жон Ромеро бу хабарни шахсий ижтимоий тармоқ саҳифасида тасдиқлади.
Microsoft сўнгги йилларда сунъий интеллектни ўзининг асосий йўналишларидан бирига айлантирган. Компания АИъни ривожлантириш мақсадида 80 миллиард АҚШ доллари миқдорида дата марказлар ва махсус чиплар қурилишига сармоя киритмоқда.
2024-йилда Microsoft британиялик таниқли АИ тадқиқотчиси Мустафа Сулейманни ўзининг янги Microsoft АИ бўлинмасини бошқаришга таклиф қилган эди. Компаниянинг юқори лавозимли раҳбарларидан бири яқинда BBC'га берган интервюсида қуйидаги фикрни билдирган:
"Кейинги 50 йил инсоният меҳнати ва ўзаро мулоқотларида сунъий интеллект асосий омил бўлади."
Шунингдек, Microsoft ОпенАИ компаниясининг йирик сармоядори сифатида унинг машҳур ЧатГПТ маҳсулотини кенг жорий қилишга ҳаракат қилмоқда. Бироқ сўнгги хабарларга кўра, Microsoft'нинг ўз АИ ёрдамчиси — Copilot — корпоратив мижозлар орасида кутилган даражада оммалашмаяпти, чунки кўпчилик ишчиларнинг ЧатГПТъга устунлик бераётгани айтилмоқда.
Microsoft'даги ишдан бўшатишлар фонида Мета (Facebook ва Instagram эгаси) каби рақобатчи компаниялар энг иқтидорли АИ мутахассисларини ёллашга фаол киришган. Маълумотларга кўра, Мета АИ лабораториясига энг яхши мутахассисларни жалб этиш учун 100 миллион долларлик имзо бонусларини таклиф қилмоқда. ОпенАИ раҳбари Сем Алтман бу рақобатни расман тасдиқлаган.
Амазон раҳбари Энди Жасси эса, яқинда берган баёнотида, АИ технологияларининг ўзи бошқараётган компаниядаги айрим инсон меҳнатини тўлиқ алмаштиришини кутаётганини билдирган эди.