Мбаппе-ПСЖ тортишуви: шикоятни қайтариш ва 55 млн евро атрофидаги муҳокамалар

Европа футбол олами яна Килиан Мбаппенинг атрофидаги тортишув ва юридик масалалар билан қизиқмоқда, деб хабар берди lequipe.fr. “Реал”нинг янги юлдузи бўлган француз форварди ўтган ёзда ПСЖ раҳбариятини унга психологик босим ўтказганликда ва янги шартномага мажбурлашга уринганликда айблаган, шу сабабли вақтинча асосий таркибдан четлатилганди. Мазкур шикоят июнь ойи охирида расмий тергов бошланишига сабаб бўлган эди.

Бироқ сўнгги маълумотларга кўра, Мбаппенинг адвокатлари душанба куни шикоятни расман қайтариб олди. Бу ҳолат клуб билан футболчи ўртасидаги зиддиятни юмшатса-да, молиявий низо – хусусан, ПСЖнинг Мбаппега 55 миллион евро қарзи бўйича суд жараёни ҳамон давом этмоқда.

Экспертлар таъкидлашича, Мбаппе ва унинг адвокатлари бу масалани имкон қадар тезроқ ва тинч йўл билан ҳал қилишга интиляпти. Бу жараёнда ҳар икки томон учун ҳам нуфуз ва обрўни сақлаб қолиш муҳим вазифага айланган.

Футбол мухлислари эса, Килиан Мбаппе ва ПСЖ ўртасидаги катта тортишув қандай якун топишини қизиқиш билан кузатмоқда. Янги мавсум арафасидаги бу можаро ҳамон Европа футбол жамоатчилиги диққат марказида.