Олис қишлоқдаги аёлга 21 миллион рублни кўчадаги мушукча олиб келди

Тюмен вилоятида яшовчи россиялик аёл лотерея ўйинида кутилмаганда 21 миллион рубль ютиб олди. Қизиғи шундаки, у бу омадини кўчадан топган оддий бир мушукча билан боғламоқда, деб ёзади Pravilamag.ru.

Аёлнинг сўзларига кўра, у мутлақо тасодифан икки дона лотерея чиптаси сотиб олган ва ютиш ҳақида ҳеч қандай умид қилмаган. Аммо ғалаба хабарини олган куннинг ўзида у кўча четида ташлаб кетилган мушукчаларга тўла картон қутисини кўриб қолади. Ушбу мушукчалардан фақат биттасини ушлашга муваффақ бўлади ва ўз уйига олиб кетади.

Мушукчанинг туси — қизғиш (яъни рыжий), бу эса рус халқ эътиқодида омад ва барака рамзи сифатида қаралади. Аёлга кўра, ушбу янги “меҳмон” унинг ҳаётига омад олиб кирган. Шу боис, у мушукчага “Фарт” (омад) деб исм қўйган.

«Янги жонзот — айниқса қизғиш туси билан — унинг хонадонга омад олиб келган», — дейилади лотерея ташкилотчилари хабарида.

Қўлга киритилган катта миқдордаги маблағни қаерга сарфлаш борасида аёл ҳозирча аниқ қарорга келмаган. Бироқ эҳтимолий вариант сифатида у эҳсон ва хайрия ишларини тилга олган.

Бу воқеа Россиядаги биринчи ажабланарли омад эмас. Яқинда Челябинск шаҳридаги бир эркак ҳам аёлнинг тушида кўрган қизғиш ўргимчакдан сўнг 100 миллион рубль ютган эди.