Сомон йўлидан ташқаридаги улкан қора туйнуклар тўқнашди: Ерда тўлқин ҳис этилди
Луизиана ва Вашингтон штатларида жойлашган LIGO детекторлари ушбу тўлқинларни қайд этган. Гап Қуёшдан камида 100 баравар оғирроқ бўлган қора туйнуклар ҳақида кетмоқда. Улар узоқ вақт давомида бир-бирининг атрофида ҳаракатланган ва ниҳоят, улкан энергия орқали бирлашган. Бу жараёнда фазо-вақт тўлқинга келган ва Ергача етиб келган сигналлар замонавий детекторлар ёрдамида қайд этилган.
Олимлар бу воқеани оддий юлдузларнинг ҳаёт давомида юз бериши мумкин бўлган жараёнга ўхшатиш қийинлигини таъкидламоқда. Катта эҳтимол билан, ушбу улкан қора туйнуклар олдинги шунга ўхшаш бирлашишлар натижасида ҳосил бўлган.
Бу каби гравитацион тўлқинларнинг қайд этилиши нафақат астрофизиклар учун, балки инсоннинг олам тузилиши борасидаги тасаввурларини кенгайтиришда муҳим аҳамиятга эга.
Сиз нима деб ўйлайсиз: фазонинг чуқур қирраларидан келаётган тўлқинлар ортида яна қандай сирлар яширинган бўлиши мумкин?