15 июлда мамлакат бўйлаб иссиқ авж олади-ҳарорат 40°дан ошади
Тошкент шаҳрида осмон бироз булутли бўлиб, ёмғир кутилмайди. Шамол шарқдан 3–8 м/с тезликда эсади. Ҳарорат тунда 22–24 даража, кундузи 37–39 даража атрофида бўлади.
Қорақалпоғистон ва Хоразмда об-ҳаво очиқ, шамол 7–12 м/с тезликда, баъзи жойларда 18 м/с гача кучайиши ва чанг-тоʻзон билан кузатилиши мумкин. Ҳарорат 35–40 даражани ташкил этади.
Бухоро ва Навоий вилоятларида ҳам ҳудди шундай ҳаво кузатилади. Ҳарорат тунда 22–27°, кундузи 35–40° орасида бўлади.
Тошкент, Сирдарё, Жиззах ва Самарқанд вилоятларида об-ҳаво бир оз булутли, шамол шарқдан 7–12 м/с эсади. Ҳарорат кундузи 34–39 даражага етади.
Қашқадарё ва Сурхондарёда ёмғир кутилмайди, лекин чангли шамоллар кузатилиши мумкин. Тунда 22–27°, кундузи эса 42° гача иссиқ бўлиши кутиляпти.
Фарғона водийси — Андижон, Наманган ва Фарғона вилоятларида ҳаво очиқ ва шамол 5–10 м/с атрофида бўлади. Ҳарорат 34–39° даража атрофида.
Тоғли ва тоғолди ҳудудларида қисқа муддатли ёмғир ва момақалдироқ бўлиши мумкин. Ҳарорат кундузи 27–32°, тунда 14–19° даражагача тушади.
Хулоса қилиб айтганда, ўтган ҳафтанинг нисбатан салқин кунларидан сўнг, дам олиш кунларида ҳаво яна исий бошлади. Метеорологлар ой охиригача ҳарорат 36–39° даражада барқарор бўлиб туришини башорат қилмоқда.