Қосымша бір күн: тамызда қазақстандықтар қалай демалады?
Тамызда қазақстандықтар Конституция күніне байланысты бір күн артық демалады, - деп хабарлайды Tengrinews.kz тілшісі.
Конституция күні – Қазақстандағы басты мемлекеттік мерекелердің бірі. Бұл күні еліміз 1995 жылы мемлекеттің құқықтық және саяси негіздерін айқындайтын негізгі заңның қабылданғанын тойлайды. Мереке жыл сайын 30 тамызда атап өтіледі.2025 жылы Конституция күні қазақстандықтар қалай демалады:Аптасына бес күн жұмыс істейтіндер
Бес күн жұмыс істейтіндер үшін Конституция күні қосымша демалыс болады. Осылайша, үш күндік демалысқа шығуға мүмкіндік туады. 2025 жылы 30 тамыз сенбіге түсіп тұр. "Мерекелер туралы" заңға сәйкес, бұл жағдайда демалыс күні дүйсенбіге, яғни 1 қыркүйекке ауыстырылады.
Сонымен, аптасына бес күн жұмыс істейтіндер үшін тамызда барлығы 10 демалыс күні болады. Демалыс күндерінің кестесі мынадай:
30, 31 тамыз және 1 қыркүйек — демалыс күндері.
Аптасына алты күн жұмыс істейтіндер
Алты күн жұмыс істейтіндер де 30 тамыз, сенбі күні қосымша демалыс күнін пайдалана алады. Демалыс күндерінің кестесі:
30 және 31 тамыз — демалыс күндері, 1 қыркүйек — жұмыс күні.
Алты күн жұмыс істейтіндер тамызда барлығы 6 күн демалады.
Тамыздағы мерекелік күндер
Конституция күнінен басқа, тамызда Қазақстан мына маңызды даталарды атап өтеді:
3 тамыз (тамыздың бірінші жексенбісі) — Көлік қызметкерлері күні;10 тамыз — Абай күні;10 тамыз (тамыздың екінші жексенбісі) — Құрылысшылар күні;18 тамыз — Шекарашылар күні;18 тамыз — Спорт күні;29 тамыз — Семей ядролық полигонының жабылу күні;31 тамыз (тамыздың соңғы жексенбісі) — Шахтерлер күні.
Сілтемесіз жаңалық оқисыз ба? Онда Telegram желісінде парақшамызға тіркеліңіз!