Премьер-министрге Перизат Қайратқа қатысты сұрақ қойылды
"Қазір Перизат Кайратқа қатысты даулы, резонанс тудырған іс жүріп жатыр – миллиардтаған қаражатты жымқыру туралы. Осы жағдайға байланысты қайырымдылық қорлары мен азаматтардан қаражат жинаумен айналысатын ұйымдардың жұмысына талаптар күшейтіле ме?" – деп сұралды брифингте.
Олжас Бектенов қоғам белсендісі Перизат Кайраттың ісімен таныс екенін айтты.
"Иә, мен бұл жағдайдан хабардармын. Өкінішке қарай, өмір көрсетіп отыр, тек бюджет қаражаты ғана емес, азаматтардан қайырымдылық түрінде жиналған қаражат та мақсатсыз жұмсалатнын – бұл соның айқын мысалы. Бұл жалғыз мысал емес, басқа да осындай жағдайлар бар. Бірақ бұл – ең даулы, ең шулы іс шығар", – деді премьер.
Бектеновтың пікірінше, Қазақстанда қаражат жинау саласына тиісті заңнамалық түзетулер қажет, оның шығыны есепті, бақыланатын әрі ашық болуы үшін.
"Құқық қорғау органдары, менің ойымша, қаражатты жымқыру қандай жолмен жүзеге асырылғанын көрсететін нақты механизм ұсынады. Соның негізінде болашақта осындай құқықбұзушылықтардың алдын алу үшін қандай да бір заңнамалық түзетулер қабылдануы мүмкін", – деп қосты министрлер кабинетінің басшысы.
Еске салайық, Астанада қоғам белсендісі Перизат Кайрат пен оның анасы Ғайни Алашбаеваға қатысты сот процесі жүріп жатыр. Оларға аса ірі көлемде ұрлық және алаяқтық жасады деген айып тағылған. 14 шілде, дүйсенбіде прокурорлар айыптау актісін оқып, Перизат Кайраттың қылмыстық жоспарын баяндады. Айыпталушы кінәсін мойындаған жоқ.
Бұған дейін прокурорлар Перизат Кайрат пен оның анасы жалпы сомасы шамамен 3,5 миллиард теңгені жымқырғанын мәлімдеген болатын. Бұл қаражатқа олар шетелге саяхат жасаған, пәтерлер, люкс автокөліктер, қымбат зергерлік бұйымдар мен басқа да заттар сатып алған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!