Канада Фаластин давлатини тан олиш режасини эълон қилди
Канада Бош вазири Марк Карни мамлакат сентябрь ойида Фаластин давлатини расман тан олишини маълум қилди. Бу билан Канада Франция ва Буюк Британиядан кейин шундай баёнот берган учинчи G7 давлати бўлди.
Қарор шартлар асосида қабул қилинади
Карни тан олиш қарори Фаластин маъмурияти томонидан сайлов ўтказилиши ва ҲАМАСнинг жараёндан четда қолишига боғлиқ бўлишини айтди. Шунингдек, Фаластин бошқарув тизимида ислоҳотлар бўлиши керак.
Исроил ва консерваторларнинг танқиди
Исроил бу қарорни “ҲАМАСни мукофотлаш” деб атади. Канада консерваторлари ҳам 7-октябрь ҳужумларидан сўнг бундай эътироф нотўғри сигнал бўлишини таъкидлашди.
Ташқи сиёсатда бурилиш
Карни Ғазодаги оғир вазият ва Ғарбий Соҳилдаги яҳудий аҳоли пунктлари кенгаяётганини Канада сиёсати ўзгаришига сабаб сифатида кўрсатди. “Ғазодаги инсоний азоблар чидам бўлмас даражага етди”, — деди у.
Халқаро босим ортмоқда
Франция ва Британиянинг баёнотларидан сўнг Канада ҳам тан олишга яқинлашди. Канададаги 200 нафардан ортиқ собиқ дипломат бош вазирга очиқ хат йўллаб, тан олишга чақирди.
БМТга аъзо 193 давлатдан 147 таси Фаластин давлатини аллақачон тан олган. Агар Ғарб давлатлари бу қарорларини расмийлаштирса, АҚШ — Хавфсизлик Кенгашининг ягона Фаластинни тан олмаган доимий аъзоси бўлиб қолади.