Доллар бағамы төмендеді
31 шілдедегі доллар бағамы белгілі болды, - деп хабарлайды Tengrinews.kz тілшісі.
KASE Қазақстан қор биржасындағы күндізгі сауда-саттық қорытындысы бойынша, доллардың орташа бағамы 540,78 теңге болды, бұл алдыңғы көрсеткіштен 5,42 теңгеге төмен. Айта кетейік, Ұлттық банктің 31 шілдеге бекіткен ресми бағамы – 546,36 теңге.
Kurs.kz деректеріне сәйкес, қазіргі уақытта Алматыдағы ақша айырбастау пункттерінде долларды сатып алу бағамы 539,77 теңге, сату бағамы – 542,25 теңге. Астанадағы ақша айырбастау пункттерінде долларды орта есеппен 538,39 теңгеден сатып алып, 545,38 теңгеден сатып жатыр.
Айта кетейік, бұған дейін премьер-министрдің бірінші орынбасары Роман Скляр Қазақстандағы доллар бағамына қатысты болжамды бөліскен болатын.
"Айталық, мен және әріптестерімнің болжамы бойынша, доллар бағамы кері кетеді. Ол жоғары болмайды. Бұған дейін де мұндай жағдайларды талай рет көрдік, бағам тұрақтанған. Ұлттық банк бұл үшін бар күшін салады деп ойлаймын және нарық та өз ретімен жұмыс істейді", – деді ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!