Сүйегіңізге қатты зиян: көпшілік салдарын білмей, күнде істеп жүрген әдеттер қандай?
Кейбір күнделікті әдеттер тірек-қимыл аппараты ауруына, яғни остеопорозға әкеп соғуы мүмкін. Бұл туралы ревматолог Наталья Фомичева ura.ru басылымына берген сұхбатында айтты, — деп хабарлайды Massaget.kz тілшісі.
Дәрігердің сөзінше, сүйектің сынғыштығына қозғалыссыз өмір салты, ішімдікті шамадан тыс ішу, темекі шегу, кальций, фосфор және коллаген жетіспеуі, гормоналды препараттарды қолдану әсер етеді.
Сондай-ақ, 40 жастан асқан әйелдер мен 50 жастан асқан ерлер, салмағы аз немесе семіздікке шалдыққандар, тұқым қуалайтын бейімділігі бар жандар остеопороз бойынша қауіп тобына жатады.
Дәрігер сүйекті берік қалпында ұстау үшін кальций мен D дәруменін жеткілікті мөлшерде тұтынуды, физикалық белсенділікті сақтауды ұсынды. Орта жаста остеопороздың алдын алу үшін сүйек массасын сақтау, ал егде жаста оқыс құлап қалмау, остеопорозды ерте анықтау қажет.
«Алдын ала диагноз қою арқылы профилактикалық терапияны бастауға болады. Ол аурудың дамуын тоқтатады немесе баяулатады», — деп түйіндеді Наталья Фомичева.
Сообщение Сүйегіңізге қатты зиян: көпшілік салдарын білмей, күнде істеп жүрген әдеттер қандай? появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.