Бразилияда сўнгги 25 йилдаги энг йирик нефт кони топилди
Бразилиянинг ғарбий соҳилида жойлашган Сантос ҳавзасида чуқур сув остида жойлашган янги нефт ва газ захиралари аниқлангани эълон қилинди. Мутасаддиларнинг айтишича, бу топилма сўнгги чорак асрдаги энг йириги бўлиб, у минтақанинг энергетика салоҳиятини сезиларли даражада ошириши мумкин.
Кашфиёт Бумерангуе майдонида рўй берди. Тахминан 400 километр узоқликда жойлашган бу ҳудудда 500 метрлик қатламда нефт ва газ мавжудлиги аниқланган. Эндиликда бу жойда махсус ишлаб чиқариш маркази қурилиши ҳам кўриб чиқилмоқда.
Сўнгги йилларда компания яна фосил ёқилғи манбаларига эътибор қаратишни бошлади. Бу ўзгаришлар, бир томондан, инвесторлар ишончини тиклашга, бошқа томондан эса глобал энергетика бозоридаги рақобатда кучайишга қаратилган.
Бу йил Мексика кўрфази ва Мисрда ҳам янги конлар аниқлангани фонида Бразилиядаги топилма энергетика соҳасида стратегик бурилиш сифатида баҳоланмоқда. Кашфиёт ҳақидаги янгилик ортидан компания акциялари Лондон фонд биржасида 1 фоизга ошди.