Бред Питт уйини талон-торож қилган ўғри ўсмирлар қўлга олинди
Лос-Анжелесда Бред Питтнинг уйига кириб, уни талон-торож қилганликда гумон қилинган тўрт нафар йигит қўлга олинди. Улар нафақат машҳур актёрнинг саройига, балки бошқа санъаткорлар ва спортчиларнинг уйларига ҳам ҳужум қилгани айтилмоқда, деб хабар берди Pravilamag.
Полиция маълумотларига кўра, ушланганлардан бири 16, бири 17 ва яна икки нафари 18 ёшда. Улардан олинган айрим буюмлар Голливуд юлдузларининг уйларидан ўғирланган ашёлар экани аниқланган.
Маълумотларга кўра, ўғрилар уйга кириш жараёнида Wi-Fi сигналини блокловчи қурилмалардан фойдаланиб, камералар ва хавфсизлик тизимларини ишдан чиқарган. Бу эса ҳужум ҳақида уй эгаларини ёки полицияни огоҳлантириш имкониятини йўққа чиқарган.
Расмийлар ҳозирча барча жабрланувчилар исмини ошкор қилмаган. Бироқ, улар орасида Nikol Kidman ва турмуш ўртоғи Keyt Urban, LA Dodgers жамоасининг тўп отувчиси Yosinobu Yamamoto ва “LA FK”нинг собиқ ҳужумчиси Olive Jiru ҳам бўлиши мумкин.
Июн ойи охирида содир бўлган ҳужум пайтида Питтнинг уйидан аниқ нима ўғирлангани ҳали маълум эмас. Бироқ уйнинг айрим қисмлари ҳам талон-торож қилингани хабар қилинган.