“Барселона” вингери Ламин Ямаль Ансу Фатининг рекордини янгилади

Испания чемпионати янги мавсуми старт олди ва илк турда “Барселона” мухлисларига кутилганидан ҳам яхши кайфият улашди. Каталония гранди майдонда “Мальорка”га қарши баҳсда кучли ўйин намойиш қилиб, рақибини йирик 3:0 ҳисобида мағлуб этди.

Учрашув давомида “кўк-анорранглилар”нинг барча футболчилари бир тану бир жон бўлиб ҳаракат қилишди. Аммо алоҳида эътиборга сазовор эпизод — жамоанинг учинчи голи ҳисобланди. Ушбу голни вингер Ламин Ямаль урди. Бу у учун Ла Лигадаги 15-уриниши ҳисобланади. Қайд этиш жоизки, мазкур кўрсаткич орқали ёш футболчи ўз номи билан тарихга кирди, деб ёзди “Opta Sports”.

Энг қизиғи, Ямаль XXI асрда Испания чемпионатида бундай натижага эришган энг ёш футболчига айланди. Унинг ёши ўша пайтда бор-йўғи 18 ёш ва 34 кун эди. Бу билан у ўзидан аввалги рекорд соҳиби бўлган Ансу Фатини ортда қолдирди. Фати ўз вақтида 15-голини Ла Лигада 19 ёш ва 188 кунлик даврида киритган эди.

Шу тариқа, Ламин Ямаль нафақат жамоаси ғалабасига ҳисса қўшди, балки шахсий рекордини ҳам янгилаб, клуб тарихи учун муҳим рақамни қайд этди. Бу ҳолат “Барселона” мухлисларини янада қувонтирди ва ёш вингердан катта умидлар боғланишини яна бир бор кўрсатди.

Мухлислар энди Ямалнинг кейинги турларда қандай натижалар кўрсатишини, унинг ривожланиши қай йўсинда давом этишини қизиқиш билан кузатишмоқда. Чунки бу ёш футболчи ҳозирданоқ келажак юлдуз сифатида тилга олинмоқда.