Янги Зеландияда илк жосус аскар фош этилди
Янги Зеландияда тарихда илк бор ҳарбий хизматчи чет эл манфаати йўлида жосуслик қилишга уринганликда айбланди. Бу ҳақда Pravilamag хабар тарқатди.
Суд жараёнида маълум бўлишича, аскар ўзини «фақатгина мамлакатни тарк этиб, хавфсизлик деб ҳисоблаган нарсага эришмоқчи бўлгани»ни айтди. Унинг сўзларига кўра, бу унинг ягона мақсади бўлган.
Тергов аскар хизматни ташлаб кетиш нияти борлиги маълум бўлгач бошланган. Бу эса 2019 йилда Крайстчерчда содир этилган қонли ҳужумдан сўнг полиция ўта ўнг қарашли гуруҳларга қарши курашни кучайтирган даврга тўғри келган.
Маълумотларга кўра, у хизматдан чиқиш жараёнида ҳукумат томонидан назорат қилинадиган шахс билан боғланган. Мазкур шахс ўзини офицер сифатида таништириб, аскар билан мулоқотни йўлга қўйган. Суҳбат чоғида айбланувчи унга турли махфий маълумотларни — ҳарбий иншоотлар хариталари ва фотосуратларини тақдим этишга тайёрлигини билдирган. Шунингдек, у армия бош штабига яширин қурилма олиб кириш мумкинлигини ҳам айтган.
Аскарнинг уйини кўздан кечириш пайтида полиция оғир ўқ-дорилар, Крайстчерчдаги қўрқинчли қирғин акс этган видеоёзувлар ҳамда радикал ғоялар ёзилган манифестни топган. Судда у «Action Zealandia» ва «Dominion Movement» каби ўта ўнг ташкилотлар аъзоси эканини тан олди, бироқ уларнинг террорчиликка алоқадорлигини рад этди.
Суд ҳозирда уни айбдор деб топди, жазо чораси эса яқин кунларда эълон қилинади.
Таъкидлаш жоизки, бу мамлакат тарихидаги иккинчи шундай ҳолатдир. 1975 йилда давлатга хиёнатда айбланган собиқ амалдор оқланган эди.