Осомничени од кумановско „испрале“ седум милиони евра

За перење пари, даночно затајување и злосторничко здружување се приведени седум луѓе со помош на специјалната единица „Тигри“. Според сомнежите на Управата за финансиска полиција и Основното јавно обвинителство за гонење на организиран криминал и корупција, осомничените ја оштетиле државната каса во вредност од 7 милиони евра.

Две годишната предистражна постапка, покажала дека осомничените од општините Липково, Куманово и Желино, кои се занимавале со набавка и продажба на нафтени деривати го оштетиле буџетот преку незаконско работење.

„Се работи за сложена предистрага која опфаќа повеќе правни и физички лица, а

целта е целосно разоткривање на криминална група која дејстувала подолг

временски период и имала за цел вршење на кривичните дела,“ се вели во соопштението на Управата за финансиска полиција.

Засега само еден осомничен побегнал, додека останатите седум по целодневните претреси, се приведени и спроведни пред надлежен судија во Кривичниот суд.