«Истанбул Башакшеҳир» сўнгги ўйинда мағлуб бўлиб, гуруҳ босқичига чиқа олмади
Конференциялар лигаси саралаши сўнгги босқичнинг сўнгги учрашувида Туркиянинг "Истанбул Башакшеҳир" клуби "Университатя Крайова" билан куч синашиб, 3:1 ҳисобида мағлубиятга учради (умумий ҳисоб 5:2).
Терма жамоамиз сардори ҳисобланган Элдор Шомуродов ўйинни асосий таркибда бошлаб, тўлиқ ҳаракат қилди. Аббосбек Файзуллаев эса 63-дақиқада захирадан ўйинга қўшилди.
Дастлаб беллашувнинг 7-дақиқасида Дэви Зельке ҳисобни очди. Орадан 2 дақиқа ўтиб эса Александру Чикылдэу ҳисобни тенглаштиришга муваффақ бўлди. 27-дақиқага келиб Штефан Баярам гол уриб, Руминия клубини олдинга олиб чиқди. Иккинчи бўлимнинг 81-дақиқасида Стивен Нсимба 3-голни киритди ва ўйин тақдирини ҳал қилди. Ушбу ғалаба орқали "Университатя Крайова" Конференциялар лигаси гуруҳ босқич йўлланмасини қўлга киритди.
"Крайова" - "Истанбул Башакшехир" 3:1
Голлар: Дави Зельке (7, 0:1), Александру Чикилдэу (9, 1:1), Стефан Баярам (27, 2:1), Стивен Нсимба (81, 3:1).
Дастлабки учрашув: 2:1
"Крайова": Павло Исенко, Олександр Романчук, Владимир Скречу, Юрай Баделж, Карлос Мора, Самуэль Телес (Александру Крецу, 90+3), Тудор Балута, Александру Чикилдэу (Анзор Меквабишвили, 77), Никюшор Банку, Ассад ал-Ҳамлави, Стефан Баярам (Стивен Нсимба, 77).
"Истанбул Башакшеҳир": Волкан Бабажан, Кристофер Опери, Жером Опоку, Осейну Ба, Фести Эбоселе, Онур Эргюн (Аббосбек Файзуллаев, 63), Берат Оздемир (Умут Гюнеш, 63), Мигель Креспо (Оливер Кемен, 46), Иван Брнич (Юсуф Сари, 81), Дави Зельке (Нуну Да Кошта, 73), Элдор Шомуродов.
Огоҳлантириш: Тудор Балута (20), Денис Туруч (47), Юрай Баделж (54), Дави Зельке (54), Элдор Шомуродов (54), Никюшор Банку (63), Кристофер Опери (80), Умут Гюнеш (90+2).
Четлатиш: Кристофер Опери (80).