Crocs ва South Park қаҳрамонлари бирлашди
Crocs бренди машҳур “South Park” мультсерияси билан янги коллекция тайёрлади. Pravilamag хабарига кўра, компания махсус тиқинли кроссовкалар тўпламини тақдим этмоқда.
Янги линия бешта жуфтдан иборат: улар орасида Картман, Кенни, Рэнди ва Тауэли образлари асосида ишланган моделлар ҳамда асосий қаҳрамонларнинг барчасини ўз ичига олган вариант бор.
Кеннига бағишланган жуфтлик тўқ сариқ тусда бўлиб, ичига юмшоқ мўйна қўйилган. Картман кроссовкалари эса унинг машҳур шляпасига ўхшатилган трикотаж тасма билан безатилган. Тауэли учун мўлжалланган жуфтлик махсус терри матодан тикилгани билан ажралиб туради.
Коллекция 4 сентябрдан сотувга чиқиши белгиланган. Нархи эса тахминан 80–90 доллар атрофида бўлиши айтилмоқда.