“Олди-берди”даги 186 миллион сўм ҳақдорлик ундириб берилди
Кейинги йилларда жисмоний ҳамда юридик шахслар ўртасида қарз муносабатлари билан боғлиқ ҳуқуқий муносабатларнинг тобора ортиб бораётганлиги, шу ўринда, ушбу муносабатлар натижасида турли низоларнинг келиб чиқаётганлигининг гувоҳи бўлмоқдамиз.
Бир тараф қарз олиб, зиммасига олган мажбуриятини бажармаслиги оқибатида иккинчи тараф муаммосини суд орқали ҳал қилиш зарурати пайдо бўлмоқда. Шу сабабдан, Бюро органларига қарз ва қарздорликни ундириш ҳақидаги ижро ҳужжатларининг келиб тушиш сони ҳам ортиб бормоқда.
Жумладан, Андижон вилоят суди фуқаролик ишлари бўйича судлов ҳайъатининг ижро варақасига асосан қарздор М.А.дан ундирувчи А.А. фойдасига жами 186 441 000 сўм ундирилиши кўрсатилган.
Мажбурий ижро бюроси Асака туман бўлими ходимлари томонидан ижро иши юритиш қўзғатилиб, қарздор огоҳлантирилган. Ижро ҳаракатлари олиб борилиб, ҳуқуқий тушунтиришлар берилган. Натижада, қарздор М.А.дан ундирувчи А.А.га жами 186 441 000 сўм пуллар ундириб берилиши таъминланди.