Ўзжан Дениз уйида акаси қурол билан пайдо бўлди
Туркиялик машҳур актёр ва хонанда Ўзжан Дениз яна бир бор омманинг диққат марказига тушди. Бу сафар сабаб – оилавий ва молиявий можаро. Haber Global нашри хабар беришича, актёрнинг акаси Эржан Дениз укасининг уйига қурол билан келиб, молиявий келишмовчиликлар сабаб уни ўлдириш билан таҳдид қилган. Воқеа Истанбулнинг Зекериякўй туманида содир бўлган.
Эржан Дениз уйга кириб, Ўзжангa шундай деган: “Агар мендан ўғирлаганингни қайтармасанг, сени ҳам, ўзимни ҳам ўлдираман”. Бу гаплар оилавий зиддиятнинг қанчалик кескин эканини кўрсатади.
Масала илдизи 22 йиллик бизнес шериклигига бориб тақалади. Уларнинг молиявий келишмовчиликлари суд даражасигача етган. Бир неча йил олдин Ўзжан акаси қарзлари учун кафил бўлган, аммо бизнесда катта зарар кўрилганидан сўнг банк ҳисоблари мусодара қилинган. Шу сабабли Эржан укасини 150 миллион лира (3 миллион 650 минг АҚШ доллари)га тенг маблағни ўзлаштиришда айблаб келган.
Оилавий можаро ижтимоий тармоқларда ҳам кенг ёритилди. Уларининг онаси Қадрия Дениз молиявий муаммолар туфайли ака-укалик ришталари узилганини айтган. Ўзжан эса оиласи унга нисбатан қулларга хос муносабат кўрсатганини таъкидлаб, кескин жавоб қайтарган. Шунингдек, актёр 2008 йилда уқага қарши қилинган қуролли ҳужум ортида ҳам акаси турганини билдирган.
Сўнгги воқеалардан кейин тарафлар вакиллари орқали музокара қилиб, келишувга эришишди. Натижада бир неча вилла ва бошқа кўчмас мулк Эржан номига ўтказилди. Бу ҳодиса мухлислар орасида катта эътибор уйғотди ва оилавий можаро ҳамда молиявий зиддиятлар ҳақидаги муҳокамаларни янада кенгайтирди.